政壇：政商定格：吳嘉瑩開會所圓創業夢

博愛醫院總理吳錦青最近將價值逾一億五千萬元嘅九龍塘喇沙利道六千五百呎四層高豪宅，交畀大女Alyssa吳嘉瑩經營一站式尊貴私人會所，由美容健身、跳舞、影婚紗相、學韓文到小朋友嘅Play Group都有。

Alyssa係中信證券分行證券銷售副總裁，老公嘅家族生意做地產。雖然衣食無憂，但唔甘於就咁過少奶奶生活，所以初試啼聲創業。曾奪「亞洲星光大道4跳舞吧」季軍嘅Catry李創偉都係佢生意拍檔，會所頂層設有跳舞室供Catry教舞，兩位年輕人講起夢想中嘅豪華會所，眉飛色舞，活力十足。

私人會所牆上掛滿畫風清雅嘅畫作，原來全部係吳錦青次女Karki吳嘉琪嘅大作。修讀藝術嘅Karki啱啱畢業返港，現時喺香港佳士得拍賣行工作。