SUN熱辣：禁拖網捕蝦獨特味道成絕響

本地蝦醬所以受追捧，全賴本地銀蝦獨特味道所致，不過隨着政府禁止拖網捕蝦，大澳蝦醬廠亦要轉用內地銀蝦，百分百大澳蝦醬已成絕響。

惟有用內地銀蝦

「好快唔准拖網，就捉唔到銀蝦，惟有用內地銀蝦。」鄭祥興香蝦製造廠負責人鄭啟強說，過去年產四至五十噸蝦醬蝦膏，大部分都是用本地銀蝦，但有時都會同內地工場合作，提高生產量，每年最多可生產六十噸蝦醬蝦膏，現時將加強與內地合作。

「內地銀蝦味道根本唔夠本地好。」勝利香蝦廠負責人李錦平嘆謂：「近年本港水域水溫上升又填海，水質污染嚴重，銀蝦收穫少咗好多。幾年前我哋就開始和內地工廠合作，到內地水域捕捉銀蝦製作蝦膏蝦醬，我哋親自教內地工廠保存銀蝦技術，做出來嘅質量，同用本港銀蝦都有七、八成似，現時產品中，內地銀蝦佔四成。」

除了蝦膏蝦醬，其他食品亦因原材料限制，已不及從前，上環和興臘味負責人鄧立桓說：「依家香港都唔畀養活家禽，買嘅臘鴨都係內地貨。原材料係咪新鮮好重要，好似啲燒鵝燒鴨一轉用冰鮮，品質都差好遠。」