行政會議成員李國章休假好耐，據講佢陪愛妻到美國醫病。據聞，李國章由八月份開始就無再開行會，一直喺美國陪伴舊病復發嘅太太治療，直到前日先喺人大選舉會議上現身。
唔同渠道嘅消息都話，李自八月開始已絕迹行會兼甚少喺香港公開場合出現，連數碼廣播（dbc）早前嘅股東紛爭，身為股東嘅李國章都無參與，全程委託另一股東黃楚標處理。記得○二年時，當時出任教統局局長嘅李國章亦曾放低所有工作，向時任特首請辭，原因都係陪太太到美國醫病，但後來獲特首成功挽留。