瑞滿樓居民惶恐寧願唔出街

【本報訊】狂魔再度即興斬人後疑匿藏大廈，令瑞滿樓住戶人心惶惶，恐出門時遇襲，又擔心鄰居原來是兇徒，甚至有住戶已打算足不出戶自保，直至警方將疑兇繩之於法。由於警方封樓搜查，令大批住戶有家歸不得，既徬徨又無奈，促警方盡快緝兇及讓他們回家。

因警方封樓調查而在樓下苦等回家的瑞滿樓住戶馮小姐：「個男人亂咁斬人，好驚呀！」但她因工作關係不得不夜歸，嘆謂：「都無辦法o架啦，惟有自己小心啲……如果有人跟住嘅話，咪兜吓圈先返屋企囉，或者搵屋企人接送。」就讀香港專業教育學院（IVE）的住戶蘇小姐感到十分驚慌，指日後若發現可疑人物會盡量避開。而附近居民羅小姐則乾脆說：「最多咪唔出街！」等警方拘捕兇徒後再算。

居民鄧先生指自己被迫在外晚膳，並說：「驚就一定驚o架啦，但都係只可以小心啲同望周圍多啲……我哋都無咩可以做。」另一名女居民表示，雖明白警方搜查需時，但仍希望現場盡快解封，可早些回家。