SUN微博：打橫嚟講：十八大之後的貪曾

繼擒日，美國選出奧巴馬為新一任總統後，今日，喺北京開的十八大，又會選出一群領導中國的高層，咁就完成了幾十年來難得一遇的全球首領「選舉年」嘞！東西方的無煙戰爭是結束吖？或是開始呢？天曉得了！

世界國際大事，留待真正的超級政治家去處理，但香港本地那個死唔知醜的小丑「政治家」曾雀屎的「政治出路」，就好應冚旗釘蓋啦！此廝恬不知恥，有辱香港聲譽的賤精，退任特首後，每晚發夢都想「北上」入「政治局」撈番一官半職，做個「低級」國家領導人小職位，例如政協副主席之類，一來「光宗耀祖」，二來可以晒名銜，繼續「呃飲呃食」。

當全香港（應說全世界）都知佢人渣至極時，點知，估唔到，會仲有啲低能仔代佢說項講好話，於十八大前，向中央進言，話佢熟悉國際金融同經貿事項，又話佢做過財政司和政務司，深諳金融管理及有外國人脈關係，可輔助中國企業走入國際市場喎！

講此等說話的人，真白癡，不知收了貪曾多少好處？看看我國偉大成就，在沒有此賤精的參與，不是也輕而易舉的已成為世界第二大的經濟強國嗎？咁，要一個好貪的人埋來，還嫌中國貪官不夠多嗎？

叫貪曾入中共領導層就免啦！老廉還是早日開「快勞」去拉人審案仲好啦！或者十八大之後，一切有定案，天也晴朗起來，捉貪倡廉，為人民之福也！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot