SUN微博：選戰風雲：小黑子破壞中美關係
小黑子奧巴馬連任後，竟然在勝利演說之中抽中國水，可怒也！奧巴馬在其演說中提到：「不要忘記，遠方有些國家的人民正冒着生命危險，爭取機會參與討論，做我們今天做的事：投票。」
小編當堂嚇一跳，然後得啖笑。可能你會話小編對號入座，佢未必係話緊我哋天朝上國，但係小編真係覺得佢含沙射影，侮辱緊我哋泱泱大國囉！超，你哋美國好好咩？正所謂「政黨輪替，人民當災」，一日到黑喺度爭，溝埋一齊做瀨尿牛丸吖笨！好似我哋咁，行最先進嘅民主集中制，人民唔需要去接觸最麻煩嘅政治，幾幸福吖！
各位兄弟姊妹，唔使恨張綠卡o架，留喺中國，繼續打拚！
