SUN微博：是日金句：中國人的耐性
「我們等了四千年！」內地網民
亡我之心不死嘅美帝霸權，無論何時何刻都諗緊點樣打擊中國。好似大選安排咁吖，話說因為風災侵襲，唔少地方嘅選舉措施都損壞咗，搞到有美國有選民要排隊排成七個鐘先投到票，仲畀當地傳媒形容為「美國的恥辱」。如果大家以為件事只係當地傳媒監察選舉咁簡單嘅話，咁你就太年輕了。其實美帝之所以咁樣講，係想曲線諷刺中國，「我哋係要排隊排好耐，你哋呢？排都無得排吖」，擺明係攻擊我哋啦！
最可悲嘅係，有一啲太年輕嘅網民，話咁易就畀人煽動到，覺得自己脆弱嘅感情受到傷害，嬲爆爆咁上網發洩，話「我們等了四千年」。唉，咁咪中晒人哋計囉。我哋應該要團結一致，守護喜迎斯巴達先啱，有咩理由長他人志氣，滅自己威風先得o架？
守護民主集中制！打倒邪惡美帝！無私執政黨永垂不朽！！！
