所以話，喺香港做打工仔真係慘，就算你公司係行內龍頭，都未必有人情味，一樣可以翻面唔認人。好似圖中呢位守護龍尾嘅美女，想當年幫某電視台拍過好多家傳戶曉嘅劇集，無功都有勞。誰不知一別幾年，某台已經唔認得佢，只係用「不具名大埔居民」嚟稱呼佢。所謂紅顏彈指老，伊人將佢嘅青春歲月奉獻畀你，好嘞你爽過嘞，開心過嘞，依家連名分都無個畀人，仲要人哋玩「猜猜我是誰？」，薄情莫過於此。「古來薄倖是郎君，珠胎暗結你鬆人」，嗚呼！哀哉！
