政壇：政商定格：曾錦燕搞私銀「穩中融動」
每逢有國債發行、iBond推出嘅時候，大家打開報章，唔難搵到佢嘅意見，究竟佢係邊位？之唔係冇見一排嘅中銀香港前全球市場副總經理Wendy曾錦燕囉，佢已成為中銀香港嘅私人銀行主管，做私銀一姐。
尋日中銀香港宣布推出私人銀行，Wendy親自上陣介紹私銀業務，佢哋嘅口號係「穩中融動」，意思即係「穩固、中庸、融合、靈活應變」，又幾有心思喎！
原本以為中資銀行嘅分行設計都會比較傳統，原來唔係o架，Wendy講解話，佢嘅私人銀行中心，室內設計用咗富時代感嘅理念，仲請咗本地當代藝術家參與設計添。
目前中銀只有一間私銀中心，Wendy話如果客戶有需要，客戶經理可以到唔同地點提供服務，所以分行數目唔使多，又真係幾方便嘅，唔怪之「一間夠晒數」啦！
曾錦燕已榮升中銀香港嘅私人銀行主管，做咗私銀一姐。（資料圖片）