SUN微博：打橫嚟講：弱能無藥醫，此乃死症？

有幾位風箏熱愛者，曾代表香港大埔區去過內地參加國際風箏比賽；日前，與眾友到大埔海濱公園慶功兼放紙鳶；期間，掏出一面香港特別行政區區旗「合照」，以作留念，點知，唔知喺邊度，撲出兩件身穿康文署制服嘅蛋散，上前阻撓，要這班「香港代表」收起區旗，並揚言：「你哋知唔知香港係有《區旗及區徽條例》o架？唔可以隨便掛（區旗）！」（此乃「代表隊」事後之引述），搞到代表隊報警查詢，警方回覆：「應該無犯法嗰喎！」係囉！區旗條例又係點嘅呢？

縱使無犯法，都已經好掃興啦！正如代表的劉先生說：「我舉『港英旗』，你就話我搞港獨啫！我舉特區區旗係愛港表現都唔得？」真千萬個爆頭！

唉！呢個康文署之弱能或弄權事件，已不是第一次的了！還記得前年，有個婆婆因天熱，坐在公園內的水池邊俯身掬水撲面解暑，突然暈厥，頭浸淺水內，本來，只要有人上前抽起她便是的了！怎知有個權力無限大的康文署公園管理員擋住中間，不許任何人接近救人，咁就奪去一條寶貴生命！話時話，那次的責任誰負呢？好似不了了之喎！

康文署如何「培訓」那些低級（應包括高層）工人嘅呢？如果訓練有素的話，佢哋仲係咁低智弱能，又是誰的責任呢？

香港政府上層廚房熱爆，下低前線員工劣質無能，同為社會徒添醜態，原因何在呢？誰去解決？幾時解決呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府