SUN微博：就係敢爆：樓市辣招

貪曾遺禍 累死街坊

香港歷史真係重複又重複，最記得因為中英聯合聲明，限制土地供應，97時嘅樓價，真係嚇鬼死人；點知今時今日，一樓還比一樓貴，原因就係貪曾禍港，政府刻意收緊勾地，令一眾青年人變成無夢想嘅鹹魚。其實，唔淨係歷史重複，錯誤都係一樣，事頭婆、貪曾正正係印證咗網上嘅名言「人類總是重複同樣的錯誤」。不過就罪名而言，貪曾就真係重啲嘅，因為佢話晒都喺殖民地政府撈過，前車可鑑，仲要一錯再錯，最後要新政府幫佢補鑊，難怪人人都聲討佢喇！

搵食啫！犯法呀？

香港樓價高企，政府出辣招望遏抑樓市，咁啱行政會議成員林奮強就出現賣樓爭議，政府明明想為市民做啲嘢，可惜就好事變壞事，真無奈。不過諗深一層，林奮強嘅解釋都屬人之常情，好似佢話無諗住做義工一說，雖然佢喺政府做嘢，係為人民服務嘅神聖工作，但係人總要食飯o架，唔通要人餐風飲露咩，畀大家都唔肯喇，學黃子華話齋，搵食啫！而且，做行政會議成員真係好忙，日理萬機，有啲嘢交畀太太做，都唔出奇，又好似黃子華話齋，犯法呀？我想o架？

就係敢爆

讀者可透過智能手機下載「東方互動」app，於「爆料」項大爆特爆！

email：sunweibo@opg.com.hk

「就係敢爆」網址tv.on.cc/hot