曾雀屎：事頭婆！我又畀人話喇！
事頭婆：又衰啲咩嘢呀？
曾雀屎：有議員話我扶貧不力，「高大空」喎！
事頭婆：話錯你咩又？
曾雀屎：我明明係「矮小實」，矮小兼笨實！
事頭婆：你咁講又幾有道理喎！好心你以前做番多啲嘢，唔好埋炸彈畀人啦！
曾雀屎：我唔咁做，點顯得家陣加綜援3.7%幾咁重要先？
事頭婆：你懶就懶啦！
曾雀屎：唔係呢，我唔係懶，我係真心覺得貧窮線好難訂，先至唔訂咋！
事頭婆：真係咁難？
曾雀屎：係呀，就好似我食到一隻鮑魚，就會想食第二隻；食到第二隻，又會想食第三隻，咁你話吖，條貧窮線訂喺食到第幾隻先至好喇？
事頭婆：去死啦狗奴才！＊＆＠＆％︿＄％！！！
