City Parade：英姿煥發
近期秋風起，英倫風也吹到香江，一個英國經典男裝品牌早前登陸銅鑼灣，首間旗艦店開幕，城中型男帥哥傾巢而出，齊齊換上筆挺熨貼西裝，變身風度翩翩的現代英國紳士。
「25歲」，已成為一個永遠年輕的神奇數字。一個茗茶品牌創業25周年，早前喺尖沙咀1881 Heritage大搞生日派對。
主人家拎出每個價值近五萬元的普洱茶餅大宴親朋，高朋滿座。
茶香，情更濃。
男裝旗艦店開幕：同聲同氣
保良總理陳正欣（右）同太太Angel（左）為品牌王國開枝散葉，成功引進英國男裝名牌，同係保良人嘅玩具大王蔡志明太太蔡李惠莉（中）當然要恭賀一番。
別出心裁
「鯊魚女」陳細潔邀好友開萬聖節派對，收到「糞便蛋糕」，認真搞鬼。
分享喜悅
鐘錶大王孫秉樞（中）早前獲業界頒發終身傑出貢獻及成就獎，馬會大董葉澍堃（左）及陳南祿（右）都戥佢開心。
積極備戰
前東華三院主席李三元公子李仲怡勤力練跑，挑戰明年半馬拉松賽。
茗茶品牌派對：以茶代酒
飲食大亨湯聖明（左）同品牌創辦人李少傑（中）甚老友，呢晚拖埋太太（右）以茶代酒祝賀。
志趣相投
社交名人周國豐（右）唔止熱愛中國武術，品茶都係佢同太太Jenny（左）嘅心頭好。
中西合璧
進軍做「曲奇餅王后」嘅前港姐謝寧，計劃出品富中國茶味的曲奇，創意十足。