SUN微博：黐筋網相：世紀和解 貪曾無份
超級風暴珊迪吹襲美國，令一對冤家奧巴馬同紐約市長彭博化敵為友，仲要嚟個「世紀大和解」，一瞬間令人感到有啲斷背feel。彭博又力讚奧巴馬正確應對氣候轉變，公開撐佢連任總統，劇情峰迴路轉，好睇過三色台嗰啲師奶劇多多聲。諗諗吓，貪曾都真係幾生修到，如果佢喺美國做官，隨時出現流血事件，先唔好講無得同市民抱抱，飽受風災之苦嘅紐約市民，九成九將怨氣發洩喺佢身上，因為佢呢條氣候逃犯，無視環境問題，間接促成颶風形成，咁嘅情況下，紐約市民應該忍唔住當佢狗咁打，真係名副其實「打狗佢」！自己死，仲要累埋市民犯罪，真不該！
