政壇:政商定格:梁寶珠義購畫作掛滿屋

保良局尋日舉辦咗個藝術作品展兼慈善義賣,展出屬下學校同長者服務機構嘅作品,為其藝術發展基金籌款。主席梁寶珠同主禮人、世界眼科組織主席林文傑都對展品愛不釋手,梁寶珠笑言,想將全部作品搬晒返屋企喎!

梁寶珠跟隨一位台灣藝術家學水墨畫,每次保良局辦畫展,佢都會認捐二十幾幅畫作,依家屋企、公司兩邊共收藏近百幅畫,連洗手間都掛滿晒。佢話希望將畫展籌到嘅善款,幫助清貧學生發展藝術潛能,兼宣揚藝術無分疆界,由小孩到長者都可用唔同形式同風格創作。佢特別欣賞智障兒童嘅作品,覺得質素可以媲美一般小朋友。本身都係畫家嘅林文傑話,創意係一個人成功嘅重要條件之一,應該多加培養小朋友嘅創意同藝術。

第一手消息請下載on.cc東方互動iPhone/iPad/Android/Windows Phone Apps

梁寶珠(左)同林文傑齊齊推動兒童發揮藝術潛能。