政壇：菁英論壇CY笑談移民潮
香港菁英會尋日再度主辦菁英論壇，論壇以「鞏固及創造青年軟實力」為題請來唔少政商猛人主講，出席及主禮嘅特首CY梁振英仲笑談回歸前嘅移民潮添！
CY致辭時以講笑形式提到回歸前嘅移民潮，話九七年前唔少人對回歸感到悲觀，大量港人移民海外，唔少人對回歸都有誇張及悲觀嘅看法，最令佢印象深刻嘅一個笑話，就係有人話回歸後香港將空無一人，屆時啟德機場會貼出一張告示，提醒最後一位離開嘅港人要熄燈，亦有市民擔心九七後到街上買麵包，應該用人民幣定港幣。CY強調，香港已經順利過渡，人權自由法治等核心價值得以維持，依家年輕人可到內地發展，更加海闊天空。
講者之一嘅著名建築師呂元祥公子呂慶耀話，唔少人都覺得作為富二代，做事都容易啲，但佢就絕不認同，佢話自己二十幾歲就返內地創立建築師樓，一樣要捱要搏。
楊華勇（左一）同梁振英（右二）等嘉賓為菁英論壇揭開序幕。