政壇：總警司盧嘉敏突然劈炮
每逢到咗年尾，警隊就會公布新一輪高層升職名單，加上前「二哥」李家超上月過檔保安局做副局長，同有多名高層相繼退休，騰出嘅助理處長位的確唔少，好多人都想坐上呢幾個位。不過，就係呢個時候，警隊就傳出港島總區副指揮官盧嘉敏日前突然辭職，下月中正式離任。
警隊中人盛傳，現職總警司嘅盧嘉敏仲有三年先退休，本來好有機會更上一層樓，成為女助理處長，但有人話佢可能收到風，知道自己行人止步，未必有得升，所以舉手請辭搵個好嘅下台階。但有熟悉佢嘅人話，Madam盧係因為健康理由請辭，唔係因為升唔到職或者其他人事問題，望外界唔好亂咁猜測，仲話警隊有好多人才，一個走咗仲有好多人可以接班，叫大家唔使擔心。
盧嘉敏