愈講愈糊塗學者籲政府斬纜

【本報訊】林奮強捲入「偷步賣樓」風波愈鬧愈大，更牽涉非法回佣問題，有學者直言事件反映林奮強政治手腕拙劣，不但愈講愈糊塗，猶如「掘個窿畀自己踩」，更令人質疑他的能力。學者認為若公眾輿論無法收拾，政府應及時「斬纜」，考慮要求林離開行政會議，以免政府更難回復元氣。

香港理工大學社會政策研究中心主任鍾劍華認為，林奮強被質疑「偷步賣樓」事件其實並非太嚴重，因他曾多次透露會放售樓宇，只要交代清楚，應不會惹起廣泛討論，但事後林奮強卻「講多咗」、且前言不對後語，反製造更多新聞：「其實佢都唔係第一次面對傳媒，但表現直頭係拙劣，不但影響到行會，亦令人覺得佢能力有問題。」

鍾指出，政府近日已頻頻解畫，如多名高官及行政會議成員均出面替事件降溫，但「即使政府教佢（林）講，都好難教到咁仔細」，且政府早前被傳媒問到會否要求林奮強辭職時已「留一手」，未有正面回應，但若廉署一旦正式介入事件或公眾輿論一發不可收拾，政府應考慮「斬纜」。

網民亦在討論區議論紛紛，有網民嘲諷事件：「真係好嘔心，點解香港人已經變到咁無恥，接二連三呢啲風波，唉！」網民「Mouthbig」則感嘆：「悲哀呀，一條咁『Seven』嘅偽君子，就可靠炒成富，仲可以管治人民，騎在人民頭上，落台！」