政商定格：馬雲EQ高睇人勝睇書
成功同高學歷有冇關係？阿里巴巴集團主席馬雲認為，讀書多少同成功與否並無關係，英文琅琅上口、生意愈做愈大嘅馬雲早幾日出席一個讀書會時，更直認自己讀書唔多，而佢認為成功嘅關鍵其實係情緒智商（EQ）就真！
馬雲話，睇到公司好多員工讀書多智商高，但EQ方面就認真麻麻。佢認為，識得睇人比識得睇書更重要，佢平時睇開嘅「書」其實就係睇緊一個人嘅人生閱歷，觀察吓佢哋嘅處事手法。
馬雲仲覺得每個人嘅處事手法出乎佢意料之外，所以每本「書」睇落都相當有趣。佢仲提醒啲成功人士，成功後反而應該讀多啲書，再吸收多啲其他人嘅經驗；如果唔係就好可能往下滑，而且仲會「滑得很慘」。
馬雲從書本中學習睇人之道。（資料圖片）