政商定格：劉燊濤打高球砌低姚明
匯聚工業家第二代接班人嘅工業總會青年委員會成立一周年，日前喺工總總部舉行慶祝酒會，青委主席孫榮聰（Eric）、副主席劉燊濤（Gary）等一班年輕人連同佢哋嘅父輩齊齊現身，劉展灝仲報喜話，Gary啱啱贏得海口觀瀾湖高爾夫球明星賽冠軍，連籃球巨人姚明都唔夠佢嚟呀！
Gary話早前佢應鐘錶品牌邀請到海口，獲大會安排與職業球手Darren Clark、知名導演何平同一組，出戰共有三十六隊參賽嘅職業、業餘球手及明星配對賽，結果佢哋勇奪冠軍，連姚明都成為手下敗將。但Gary都話到明，籃球佢肯定打唔過姚明。Gary六歲就開始學打高球，十二歲正式落場打十八洞，個人創下最佳成績係八十二桿，當時大約二十三、四歲。
劉燊濤（右）與職業高球手Darren Clark合力打敗姚明。（受訪者提供）