近期證券學會因為其永遠名譽會長張華峰當選立法會議員而人氣急升，學會上下都好開心，佢哋仲決定喺十一日大排筵席，祝賀張華峰當選，據講當晚嘅酒席高達四十圍，大家齊齊慶祝吓。
不過，張華峰似乎暫時唔使擔心因為有餐食而增磅，事關佢已經開始喺立法會開長命會，長時間坐喺立法會，食不定時甚至冇餐好食就有份，會肥至奇。
據講，今次證券學會大排筵席，除咗係賀張華峰外，亦都係該會新一屆理事會就職典禮兼22周年紀念，喜事一齊嚟，難怪佢哋一次過大搞一場。
張華峰當選立法會議員，證券學會上下都好開心。（資料圖片）
