政壇：答問大會長毛玩「淋糞」
特首梁振英（CY）今日會出席新一屆立法會首次答問大會，各黨派都磨拳擦掌準備提問。社民連梁國雄（長毛）就揚言會「淋糞」喎，唔係玩到咁激呀?據長毛講，只係淋人造糞便，取其諧音與行會成員林奮強相似，意在諷刺行政會議成員林奮強涉嫌偷步賣樓，話希望CY關注喎！
不過呢個動作會唔會令人反感呢?據聞長毛近日喺會議上出盡道具法寶引人注意，但都冇乜人理佢，可能因為咁令佢行動升級。功能界別方面，建築、測量及都市規劃界謝偉銓就話，政府之前講過會考慮將工廠改建住宅增加房屋供應，佢會喺大會上問吓依家有乜進展。紡織及製衣界鍾國斌就話香港多年來喺六大產業發展上乜都無做過，要問CY點解決產業單一化嘅問題。
長毛事先張揚會喺答問大會「淋糞」。