通識老師好緊張 頻換組合賺變蝕

【本報訊】任職通識老師的謝曉昕（Hillary）平日十分慳家，一分一毫都不敢亂用，她覺得香港人口老化問題嚴重，樓價高企，通脹持續。她二○○五年開始供強積金，買的主要是俗稱「高風險」的股票基金，希望進取一點，保障退休生活，她甚至每半年檢討一次投資組合，一見有任何股市波動，馬上轉到其他組合，可謂分分鐘「睇到實」，但過去一年仍蝕了九千多元，佔整體投資約近一成。

「真係唔知蝕咗邊」

「一分一毫都係血汗錢，我睇得好實o架，每半年就因應政治局勢同股市波動轉一次投資組合。上年明明賺咗成萬銀，今年就蝕番九千幾！我個個月供款，依家連點樣蝕都唔知。」她自言緊貼股市及政局，年初歐債危機，她已立即賣掉所有歐美股票基金，但強積金仍損手離場：「真係唔知蝕咗去邊。」

她續稱，基金條款及收費種類極多，例如「權益提取費」、「周年營運費」及「保證費」等，真正「落袋」的不多：「有時真係寧願將啲錢放喺枕頭底，雖然無利息，但起碼唔使蝕手續費。」雖然蝕錢，但Hillary稱半自由行推出後不會立即「轉會」，因為由舊的受託人轉到新的受託人，至少要六至八星期的等候期，她怕會錯失投資的黃金時間。

股評人沈振盈評論：Hillary不應在歐債危機時賣掉歐美股票基金，因強積金要看長線發展，低價時應入貨而唔係賣出，長遠才有錢賺。