穩陣派儲嚟退休 管理費唔清唔楚

【本報訊】「我揀MPF嘅原則就係要穩陣，因為呢舊錢係退休用，所以千祈唔好博。」穩陣派的黃傑龍有六個強積金戶口，但過去一年，其中五個戶口都「見紅」，平均蝕一成。

「成日負數點滿意」

黃傑龍擔心再蝕下去，退休時會沒有保障：「成日都負數，點叫人滿意？我明白強積金原意係好，想幫我哋儲錢，但是點解要逼我投資，唔可以純儲錢？投資總有風險，即係間接逼我蝕本！」

他指出，如果每年都蝕一成，退休的時候，擔心強積金已所餘無幾。

他買的主要是包括股票和債券的混合型基金，雖然基金公司說風險相對較低，但也沒有保證：「通常個名都改得好吸引，叫『均衡基金』、『持續增長基金』等，但未必一定係持續增長。」

另外，黃傑龍留意到，他加入的四間強積金管理公司，都沒有列明管理費及其他收費的準則，只是在結算單上顯示已扣除管理費的結餘，當中扣了多少管理費，他完全不知道。

黃傑龍希望，各間受託人公司都能清楚說明收費款項，半自由行推出後，他打算將現有的六個強積金戶口整合，方便打理。

股評人沈振盈評論：如沒有時間留意股市，可以先購入保本型的股票基金，往後再在低位吸納其他較進取的股票基金，這樣可以平衡風險，也可以提高投資回報。