SUN微博：打橫嚟講：唔使怕，睇好後市

本報昨日的要聞，標題為「有人減價有人封盤，市場混亂前所未見」，那確實叫人無法想像之怪事。

香港特區政府為壓抑樓市過熱，怕如傻強那甚麼「旋轉式上升」（喂！即係乜呢？唔係好明！）遂落重藥、出辣招，誓死見竿立影，所以，酒醒精神的陳茂波局長恍似李小龍上身般，截發「快、狠、準」絕世功力，一Ｑ打沉全港樓市。

果然，香港政府兩大毒招，那急忙出台的（沒有必然向大眾諮詢的）延長額外印花稅，和境外個人及所有公司名義買家必須額外付15%印花稅，一擊即中，除凸顯梁政府的「強政勵治」之本領外，還令新盤冷清，二手交投食白果，但經過陳家強、張炳良和陳茂波這三位局長齊聲護航後，是否能真的有效遏止樓價呢？

不要說政府倉卒推出計劃前，有無深思熟慮，只求短期效果，淨係睇到市面有人「封盤」，即是有關業主看好後市，相信打壓樓價手段的消息消化後，前景更見光明。

有小炒家認為香港政府從來無長遠計劃，只是頭痛醫頭，或擺姿態嚇鬼，嗱！今劑咁！大家都知香港樓價飆升，主要因為大陸黑錢太多，要搵路走，買香港樓就最好最易洗白。

另外，香港起樓嘅地，長期供應不足，才是死症癥結之處。加印花稅？有人需要入貨的話，咪會承受埋囉！第二，唔畀境外人買？人家咪諗其他辦法囉！反正，內地大款，手上又怎會無香港身份證吖？唉！又一傻事！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot