SUN微博:Sun畸事:貪曾置業障

樓價高企,四百呎(建築面積)私樓動輒五百萬起跳,公屋市價破二百萬,「低增值」的香港人如果不打算返內地謀生,惟有接受蝸居命運。這一切「(置)業障(礙)」,當然是……貪曾「置孽」!

曾雀屎:多得我長年官商勾結催谷樓市,你應該賺唔少啦!

青永屍:託賴!我仲要多謝你唔立法監管售樓程序,貨不對辦都冇事!

曾雀屎:話時話,你真係缺德嘅icon!人哋用畢生積蓄上車,點知就收到間垃圾樓。

青永屍:真係唔怪得我,佢哋咁大個人連想像感覺同現實都分唔清,仲話專業人士喎!

曾雀屎:咁唔怪得晒佢哋,有時真係難分真與假,點似得你哋-「悟道專業人士」嘛!

青永屍:誤導?冇冇冇!我哋冇誤導o架!

曾雀屎:你明明就係「悟道」!睇你盤生意做得咁大,就知你已經悟咗樓市嘅道,買家道行唔夠,咪着了道囉。

青永屍:唔係唔係……我哋真係冇誤導……

第一手消息請下載on.cc東方互動iPhone/iPad/Android/Windows Phone Apps