SUN微博：少膽虫手記：淫賤Lie壹定作新聞

淫賤黎自從台灣敗走，行蹤鬼鬼祟祟，外間好少人見到佢。不過，正如搵烏蠅要喺糞堆，垃圾梗係要喺堆填區搵啦，少膽虫尋日終於喺堆填區摷番佢出嚟。

「啪啪啪啪！」少膽虫狂拍淫賤黎辦公室道門，仲衝咗入去。「大鑊！林鄭兜頭摑咗你一巴，踢爆我哋老作，話局長係謙謙君子，唔會拍枱喎。」淫賤黎自從敗走後，成個人呆咗，又作沉思狀，唔知想點。「淫賤黎，做乜諗嘢？」

淫賤黎一聽到佢嘅得意之「作」（「老作」個「作」），成個生猛晒：「嫌作得未夠勁添！少膽虫，你有乜橋？」

少膽虫一向行事小膽，老作大膽，「不如話局長扯晒火，好似強國男喺地鐵咁咬人，噬到林鄭雙眼反白狂噴血吖笨……」

淫賤黎聞言拍枱：「有冇咁誇呀？」少膽虫解釋：「君子動口不動手嘛，君子唔出手拍枱，咪出口咬囉！」淫賤黎茅塞頓開，笑淫淫大讚好橋，又死撐自己唔係拍枱，學愚綺華老師話齋，自己隻手係輕輕枱，唔係拍枱喎！少膽虫心諗，淫賤黎成日講大話，亂咁老作新聞報道，份報紙不如改名叫《蘋果亂報》，淫賤Lai改名叫淫賤Lie咪仲貼切。