政壇：搞搞政：廖長江唔認投錯票
立法會前日通過工聯會喺財務委員會提出中止待續動議，有份投贊成票嘅其中一個建制派係新早餐派嘅中總代表廖長江（Martin）。商界一向對民粹有保留，作為中總喺立法會嘅代表，冇理由會同泛民、工聯會力主政府應該取消長津嘅資產審查同一陣線o架，於是有揣測議會新鮮人Martin可能係投錯票，點知佢點都唔認，但又強調自己係支持政府嘅。
Martin話，自己當時絕對冇投錯票，雖然早已表態支持政府，但唔代表政府可以唔聽團體意見，加上嚟緊周一仲有公聽會，如果就咁表決咗，似乎有欠程序公義，所以寧願押後表決，都要維護立法會尊嚴喎。佢補充，雖然係咁，自己仍然傾向支持政府，只係首要條件係聽晒團體嘅意見先。
設計圖片