國際小母牛香港分會尋日下晝喺維園舉行籌款活動，小母牛主席梁錦松及身兼愛心大使嘅太太伏明霞帶埋三個仔女到場，一家五口幸福滿瀉。連續幾年帶大女司渝到內地探訪嘅伏明霞話，囡囡探訪時見到貧困嘅同齡小朋友，感受特別深，佢認為係好好嘅教育機會。
咁幾時會帶大仔皓嘉去探訪？爸爸梁錦松就話，大仔今年得七歲，細仔家瑋四歲，驚佢哋去到衞生條件欠佳嘅山區容易患病，所以都係遲啲先喇！
梁錦松（後）一家五口齊出動，前排左起：伏明霞、大仔皓嘉、細仔家瑋及大女司渝。
