政壇：政商定格：清閒陳淑莊捐衫過日辰
社企愈開愈多，聖雅各福群會嘅社企GREEN LADIES SHOP係二手衫店舖，日前又有一間舖開幕，公文袋嘅陳淑莊（Tanya）都現身支持，仲捐咗一件衫畀間店出售，問到佢係咪經常買衫時？Tanya笑言：「冇乜女仔唔鍾意買衫！但依家買少咗衫，好多衫買返嚟都唔一定着到。」
立會選舉敗北之後，Tanya會唔會重投舞台劇？佢話暫時冇，但「正考慮中，想同文化、法律有關。」當日有份捐贈衫嘅仲有歌星莫文蔚嘅媽咪莫何敏儀，莫太話：「二手衫喺外國興咗好多年，衫唔會着到爛，所以會捐出去。但有出都要有入，所以捐衫之外，都要喺現場買衫，因為佢哋需要資金。」
陳淑莊除現身支持賣二手衫嘅社企外，都捐咗件舊衫畀佢哋售賣。