六合彩吸引萬千市民，可以參與其中嘅運作更加係難忘嘅回憶，中藥業協會理事長李應生（Tommy）曾多次以太平紳士身份做六合彩攪珠監場，年前仲見證過頭獎七千萬嘅一次攪珠，諗番起都覺得好興奮。Tommy話監察攪珠過程之前，有時都會買番條心水冧把捧吓自己場，雖然冇中到但當做善事都一樣開心。
問佢上電視嘅趣事，Tommy笑謂，有時為求出鏡好睇啲，工作人員提醒佢要先印吓面油，以免「反光」。佢話自己嘅幸運號碼係六，貪佢順順利利好意頭，最勁試過中四個號碼。
李應生難忘見證最高彩金嘅一次攪珠，足足有成七千幾萬。（受訪者提供）
