劉公子潮Look洗頹氣

【專案組報道】因非禮及恐嚇男藝人等三罪被判入獄十七個月的同性戀富商劉定成，服刑逾四個月後，前日獲准保釋等候上訴，在獄中頭髮斑白和暴瘦的他，重獲自由後，昨日就以年輕「潮Look」示人，第一件事就是拿心愛的全新皮褸到乾洗店乾洗，再到髮型屋找髮型師染髮「扮靚」，一洗頹氣。

六十二歲的劉定成，昨早上約十一時半，獨自離開跑馬地藍塘道寓所時，一身「潮Look」，身穿綠、白、紅三色間條外衣，配以白色短褲和黑色boot，並以帽和太陽眼鏡遮掩未「扮靚」的容貌。

他手持八達通，在附近小巴站等車，期間「企定定」、笑笑口讓追訪的記者拍照，但對記者提問有點答非所問。記者問：「係咪去食嘢？」他就點頭。記者又問：「見番媽媽開唔開心？」他竟回答：「係呀。」記者再問：「劉公子點解唔出聲呀？係咪律師叫你唔好講嘢？」他則說：「早晨！」後來他登上小巴，記者尾隨上車，他在車上沒有回應提問。