家屬控訴DR吸血無良

DR醫學美容集團毒血事件令人髮指，兩苦主的家屬昨先後大控訴，狠批DR吸血、冷血兼無良，其中女死者茶餐廳老闆娘陳宛琳的丈夫指，夫婦一生積蓄也被榨乾，陳臨終前更不停呼喊好辛苦。他批評「DR為咗賺錢，唔理顧客死活，一定要揭發呢啲咁那渣嘅手段」。另一名仍在律敦治醫院深切治療部留醫情況嚴重的女苦主黃鳳群，其家屬昨亦指黃遭人碌卡不止數萬元，指DR至今未派人慰問，呼籲所有苦主組成聯盟，集體向DR追究責任。

陳宛琳的丈夫楊先生於妻子逝世六日後終於打破沉默，昨接受本報記者專訪時說，他妻子身體一直沒有異樣，直到本月初一個下午，太太忽然說沾寒沾凍，最初以為她「凍親」，叫她早點回家休息，但妻子返家後仍感不適，晚上在女兒陪同下到律敦治醫院急症室求診，取藥後回家，翌日再到律敦治醫院，醫生表示要留醫，楊先生還以為只是重感冒，無想到「咁大件事」，直到後來，才知道妻子曾接受DR的「DC－CIK」療程，結果導致敗血症，留院不到一周，最終更因為器官衰竭死亡。

臨終前受毒血折騰

楊表示，妻子留院期間不停呼喊「咁大個女都未試過咁辛苦，仲辛苦過生仔」，可想而知他妻子臨終前一直受到毒血的折騰，怒斥DR無良，「我哋呢啲普通市民，根本唔知道呢啲高科技嘅療程對身體造成幾大傷害，但是DR為咗賺錢，就唔理顧客嘅死活，真係要揭發呢啲咁那渣嘅生意手段。」楊說，他與妻子都是佛山人，八○年代來港，二人於九一年結婚，育有兩名子女，妻子任車衣女工，他則做廚房，直到○六年與朋友一起合資經營「明記茶餐廳」，妻子當收銀及樓面，與客人、伙記打成一片，是一名「開心果」。

至於另一名女苦主黃鳳群（五十六歲），現時情況仍然嚴重。據知病人「隻手變藍色、黑色，隻腳仲有少少爛」，精神差，說話困難，仍然在律敦治醫院深切治療部留醫。自稱是黃鳳群親友的梁先生昨晚在醫院表示：「佢（黃）喺DR做完療程，好唔舒服，有啲暈，之後職員畀藥佢食，之後送佢返屋企，尋日死人啦，（DR）無任何協助、任何幫助，好不負責任！佢哋應該負番責任。」

呼籲組成聯盟追討

梁表示，黃一直光顧DR做美容療程，「之後畀人sell做所謂醫學美容，打咗針！」當被問及黃知不知道有風險，梁稱「佢應該唔清楚，如果知，唔會做。我諗佢（黃）都好嬲，想追討」。

梁先生已經徵詢法律意見，要求DR賠償同負應有責任，現時正統計單據金額，「應該係龐大，唔少，唔止幾萬。」他希望其他受害者聯絡他，「想追討嘅人可以同我吔一齊追討！」

另外，事件中的另外兩名女子仍然留院，六十歲的王靜波，現時情況危殆，在聯合醫院深切治療部留醫，而周向榮胞姊兼DR集團董事周欣欣，則情況穩定。

黃鳳群抽驗腦脊髓

據悉，早前死亡的陳宛琳感染抗藥性嚴重的「膿腫分枝桿菌」，並有惡菌「上腦」情況。另一名留醫律敦治的五十六歲黃鳳群雖然清醒，毋須插喉，情況仍然嚴重，即使醫生處方多種強力第一線抗生素亦無明顯好轉，主診醫院為安全起見，決定為病人抽取腦脊髓液，作進一步化驗，以了解細菌有否入侵病人腦部及神經，造成嚴重傷害，並評估病人感染的細菌數量以作出適當治療。