SUN微博：Sun畸事：清自膠，膠自清
香港膠災！香港膠哉！百五噸膠吹落海，全港市民自發清膠，為正視聽，說明港府有撈膠，部門發言人更急急出來澄清。
發言人：大家好，歡迎發問，但今日只準問膠問題。
傳你媒：你對波叔出城呢套大戲有咩睇法？
發言人：我會將個波交畀佢作答，但今日只準問膠問題，請合作。
傳你媒：好，咁依家呢件事膠到全港，部門會有咩方法處理？
發言人：我哋要話畀市民知，呢啲膠係惰性嘅，即係無毒嘅，食咗仲可以吸收你身體毒素。
傳你媒：哦！咁你覺唔覺得要由源頭做起，要派少啲膠？
發言人：……
傳你媒：做咩唔講嘢？
發言人：你見唔見到我個名，我係發言人，唔係回答人呀。
傳你媒：咁你依家又答我？！
發言人：因為我膠囉。:0)
（花生友如有對號入座，請食自己）
