政壇：政商定格：馬明哲十年打造金融超市
提起「萬佛朝宗」，相信好多人都記得係粵語長片或香港漫畫《如來神掌》之中，威力最強嘅招式。中國平安保險董事長馬明哲就借用咗呢個大家都好熟悉嘅名詞，繪聲繪影咁形容平保呢個「金融超市」裏面，客戶只需通過一個平台，就可以辦理晒所有業務。
自深圳發展銀行喺上星期改稱平安銀行後，平保就成為內地首家集不同業務於一身嘅金融機構，客戶去到中國平安，就可以選擇自己需要嘅一切服務，唔使左撲右撲。
馬明哲認為呢種類似金融超市嘅模式係未來嘅發展方向，仲為自己定下「十年計劃」，希望實現來自保險、銀行、投資嘅利潤各佔三分之一。佢仲為計劃嘅名改咗做萬佛朝宗，佢同員工講，喺佛經裏面，係萬佛去靈山聽佛祖說法；喺武俠片之中，係練成後就可以獨步天下。
馬明哲希望實現來自保險、銀行、投資嘅利潤各佔三分之一。