政壇：新西「斌仔」坐輪椅狙擊白鴿
今屆立法會選舉臨近，競選氣氛漸濃，而傷健人士亦加入助選團隊。近日新西多個街站車水馬龍之間穿插一個流動街站，全身癱瘓、坐住輪椅嘅Sky鄭家龍游走新西多區，皆因佢對白鴿好失望，要揭穿該黨假面具，今次挺身而出，支持人民力量嘅候選人。
自八月起，Sky就坐住輪椅游走新西多區助選。佢全身癱瘓，要靠輪椅出入，連同外界溝通都要透過下巴控制棒，透過電腦同人溝通，完全就係斌仔嘅翻版，但佢話身體嘅遺憾未能阻止佢發表對政治嘅睇法，「我有一個正常的腦袋，懂得分辨對與錯」。
Sky亦善用電腦呢個平台，善於利用fb，佢話身體雖有缺陷，但有獨立思想，對於香港停滯不前嘅民主進程更加係非常憤怒，佢話要揭穿白鴿黨嘅假面具，於是為佢支持嘅候選人助選。
新西「斌仔」坐住佢嘅戰車游走多區助選。