黑灰白：阿仔唔急阿爺急

王大人不遠千里而來，亦將有以利吾區乎？

港人何必曰利，亦有河蟹而已矣！

國家主席方才送完大禮，以安撫港人情緒，希望港人能體恤黨國愛港之情，同心協力匡扶米已成炊的特首施政，好好歹歹做場好戲，讓國人、台胞、外國人見證一國兩制的成功落實，避免一不離二、二不離三的丟人宿命。孰料禮剛收畢，部分港人已經「食碗面反碗底」，對特首完全不留情面，未諳「不看僧面看佛面」的江湖規矩。如今選舉在即，連親生兒子都不顧親情，把特首作為箭靶，以遂一己據席議堂之夢。有子如此，阿爺如何不心痛！不遠千里而來，為代阿爺教仔，曉以河蟹大義，毋令阿爺面子難看。

既云一國兩制，何以阿爺竟然越俎代庖，千里而來干預特區選舉事宜？

普天之下莫非阿爺天下，關心特區事務，何得謂之干預？阿爺事務繁多，本來無暇兼顧特區瑣事；但孩子患上過度活躍症，阿爺總不能不聞不問。養不教，阿爺之過，否則其他孩子有樣學樣，恃寵生驕，學足某些港人六親不認，搞壞神州規矩，悔之恐晚。君不見鄰區話頭醒尾，何勞阿爺擔心？又唔見我要去珠海坐鎮？只可嘆句恨鐵不成鋼，特首睇少一陣都會出事，又患上輕微自閉症，不懂與人溝通，其身邊幕僚也橫衝直闖，成事不足，敗事有餘，自己卒之唔抵得，都要加番把口。

王大人既是呼男喚女，到底有何訓諭，何以各人見面之後均是期期艾艾，辭不達意？

盡在不言中。我們採用洋人漆咸堂規矩，講咗等如無講。部分特區傳媒喜愛無事生非，無論怎麼說也會讓人曲解。對特區情況阿爺確實有點擔心。總之凡事總得有個過程，是好是壞也不能一蹴而就，港人必須忍耐，此乃國情是也。