SUN微博：打橫嚟講：香港貿發局真跳海

禽日，在此啱啱X交叉Y香港貿易發展局那廢柴總裁林天福無能無德搞好香港展覽業的原因，話口未停，又一煲。昨日，天文台五點九才掛八號風球，貿發局竟在四點鐘便停賣書展入場券，害得一大班書迷在門口鼓譟，差點釀成騷亂，咁都仲未算PK，貿發局喺五點九大大宣布，要在場人士立即撤離，並以這為他們人身安全着想喎！後果點呢？整個灣仔本身人流已經好勁，依家，硬塞多十幾萬書迷加入，唔死就有鬼，搞到一片大混亂，仲話為咗人哋安全？食屎啦！

貿易發展局違反咗給參展商的協議，就係協議內寫明係掛上八號風球後兩小時才關館的，這是以前有腦的人編訂的方案，主要係可讓書迷在兩個鐘頭內有秩序的自由分散撤離，不用塞埋一齊，造成危險，咁先至叫做管理呀！廢柴總裁！

貿發局違反協議，攪亂灣仔仲未算失敗，最仆街還是無人同任何一個參展商商議翌日書展最後一天收檔的安排，連傳媒致電查詢亦不回應，簡直就係「無管理」，相信，佢哋都係為自己的人身安全，拿臨收咗工吧！還有，有大批書迷留在館內未走，曾出現有保安阿頭帶隊到場，好似仆街禿鷹咁款，想「武力清場」？如此一個半官方機構都咁Q官僚，又不守法，真叫愛港愛國的港人情何以堪？

貿發局成日話想擴張展覽業，又想加大展場面積，你哋睇吓！畀呢班廢柴粉皮去搞，只會係更大的災禍！香港真跳海！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府