SUN世代:效法老父奮鬥史 定下目標向前衝

由起初一舖一員工,發展至三間牛扒連鎖餐廳於內地設有多間餐廳扒房。Mary的父親林志強,是香港奮鬥成功的典型例子,亦是她的學習對象。在她眼中,父親是一個定下目標就不怕困難向前衝的人。

「佢成日話使乜驚,決定咗就馬上做。」Mary說父親極有時間觀念,不容浪費一分一秒,「如果你約咗佢,佢一到咗就會不停打畀你,睇你幾時先到。」懂得抓緊時間及靈活變通,亦是他的成功之道。

走大眾化路線谷底反彈

「爸爸以前喺酒店做,後來就自己開高級餐廳。初初因為好少人食得起,生意未如理想於是轉型,改賣港式大眾化牛扒。」自此,生意從谷底反彈,更開始開分店。

「細個爸爸被人叫牛扒林。依家老咗被人叫阿叔,偏偏佢又幾鍾意,仲喺內地開咗間『阿叔餐廳』。」她笑說,那時父親已年過六十,仍活力非常。雖然現時生意已交了給她與妹妹打理,但他亦不時到各店巡一巡,始終舖頭是他的心血。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

Mary小時候已在店中幫手,生日亦在店中舉辦。(受訪者提供)

父親林志強一早已將生意交予女兒打理。