SUN微博：Sun畸事：黏稠的書展
派糖雖然仲未有得受惠住，但係一年一度嘅書展又嚟啦，唔使講都知除咗事業線之外，仲有好多作家嘅事業，就好似《香城訣》咁嘅好書，好值得大家大破慳囊。不過，不得不承認，香港讀書風氣江河日下，漸漸糟糕化，就好似以下呢對行書展嘅母子咁……
仔仔：媽咪，我要汽水！
媽媽：買啦買啦。
仔仔：媽咪，我要公仔，吹氣嗰隻！
媽媽：買啦買啦。
仔仔：媽咪，我要肉靈芝！
媽媽：買啦買啦。
仔仔：媽咪，點解呢度無書賣嘅？
媽媽：係喎，好似得本《打橫嚟講》賣咋喎。
仔仔：媽咪，點解嗰啲姐姐着咁少衫？係唔係驚太多人，啲汗立黐黐呀？
媽媽：仔，唔好望！
仔仔：唉呀，倒瀉晒啲汽水，搞到成地都濕晒添！
媽媽：係咪呢？叫咗你唔好望啦！
（花生友如有對號入座，請食自己）