政壇：政商定格：五大商會青委把酒言歡
霍家第三代活躍於本地青年團體活動，中華出入口商會青年部等五大商會嘅青年才俊早前齊集灣仔一間酒吧歡聚，霍英東集團行政總裁霍震寰嘅孻仔霍啟文亦有現身，佢之前喺外國讀書，已經返港做嘢幾年。一向低調嘅佢當日同城中企業界新世代打成一片，眾人把酒暢談兼且玩遊戲，相當難得。
今次聚會搞手係中出青年部主任李美辰，一齊共襄盛舉嘅仲有美辰老公香港青年聯會專業事務委員會主席蔡德昇、福建社團聯會青委常務副主任陳建鴻、中國企業協會青委主任陳沛良及香港僑界社團聯會青委副主任廖宇軒等人。青聯常董蔡敏思、賢慧社秘書長費詠詩當晚亦有出席，費詠詩透露，最近同賢慧社主席羅詠詩等好姐妹迷上練太極，搵咗一位名師齊齊上堂，難怪一班靚女身形弗爆又健康。
官仔骨骨嘅霍啟文（右）與蔡德昇（中）及廖宇軒（左）都係青年才俊。
李美辰（右一）籌辦今次聯誼活動有聲有色，蔡敏思（右二起）、費詠詩及陳沛良齊齊響應。