SUN微博：Sun畸事：入冊的顧慮

長毛就立法會主席剪布申請司法覆核被拒，法官宣稱議員有表達自由，但無權拉布。長毛垂頭喪氣步出高院之時，巧遇剛出獄的社運皇上。

長毛：咁啱嘅皇上，恭喜你出冊喎！

皇上：長毛，你又幾時入去呀？

長毛：我依家諗緊好唔好似你咁早啲入去，早啲出番嚟。

皇上：好呀，早啲入冊咪趕得切參加九月立會選舉囉。

長毛：但係我有一個顧慮……

皇上：係咪顧慮你把秀髮？好似我個乖頭清清爽爽咪幾好！

長毛：唔係……a皇上：係咪驚畀人欺凌？你以前都入過去，裏面應該有朋友，唔怕啦。

長毛：都唔係……

皇上：咁有咩好愁呢？你又冇老婆仔女。

長毛：其實……我係想等埋七．一之後同煲呔曾一齊入冊啫。

皇上：你想同佢喺入面做咩？

長毛：冇……我諗住同佢食飯會有菜心肥雞加餸嘛……

皇上：咁你要小心啲啦，佢最鍾意政治亂倫，你沖涼跌咗番梘唔好踎低執呀……

（花生友如有對號入座，請食自己）