政壇：搞搞政：硬食光污染 黑英無奈
前天文台台長林超英（黑英）退休後，投身環保同觀察氣候變化等工作，就連候任特首梁振英競選時寫政綱，都要向呢位英皇書院師兄請益。前日黑英撰寫網誌，大呻屋企開始受到光污染影響，原來佢畀屋外一個外牆廣告牌困擾，鍾情大自然生活嘅黑英呢次真係有排煩。
黑英話，早幾晚深夜，突然聽到窗外傳嚟吊雞車工程造成嘅噪音，起初不以為意，後來至知道原來屋企旁邊嘅商場換咗啲強勁射燈，照住懸掛喺商場外牆嘅廣告招牌，原本柔和嘅燈光，即時變得燈火通明，住喺低層嘅黑英首當其衝，搞到佢好無奈。
強光帶嚟嘅影響好大，除騷擾日常生活外，亦令黑英再難享受黑夜嘅星空同靜夜嘅悠然，黑英不禁反問，點解有人用啲咁光嘅燈去照住人哋間屋，佢直言商場安裝射燈嘅角度好有問題，角度窄令招牌受光面唔大，光源被浪費，損人又不利己。
設計圖片及對白