新政府正在組班，我哋早前披露過，○八年曾表態有興趣做副局長嘅九龍城區議員黃以謙，有機會擔任下屆食物及衞生局副局長。本身任職精神科醫生嘅黃以謙對今次傳聞處之泰然，笑言呢四年嘅閱歷多咗，又話如果有人覺得佢適合，自然會搵佢喎。
經過四年磨練，黃以謙似乎學精咗，冇以前咁高調話自己有興趣做局長，步步為營唔通係避免「見光死」？黃以謙今次表現得小心翼翼，有傳係佢獲得唔少醫學界中人力撐入閣，有人亦估計佢曾經喺特首選舉中幫過唐唐，倘入閣就符合「大和解」之風。
黃以謙
