政壇：張宗豪攻型男潮服市場
今時今日，男士都熱衷扮靚，頂尖西服品牌詩閣（Ascot Chang）太子爺張宗豪（Lincoln）就睇準男士扮靚嘅市場，日前見佢喺舖頭裏面，拎住軟尺幫一位後生潮男度身，呢位潮男原來係電器設備供應商明記製造廠老闆葉泰海嘅囝囝葉竣棓（Jason），做西裝外，兩個人原來仲有啲新構思。
Jason自創珠寶設計生意，Lincoln正密斟佢為TCNY設計至潮配飾。TCNY係詩閣旗下嘅年輕品牌，最近由銷售女裝變身為專攻潮男市場，一套訂造西裝價錢約四千八百至九千蚊，所以西裝配飾設計都唔可以忽視，Lincoln於是搵嚟Jason幫手，設計男士襟針、袖口鈕同呔夾等潮流配飾。原來兩人相識於半年前，同為浙江省奉化市政協，由於年紀相若又同為奉化人，所以好啱傾。
張宗豪（左）為葉竣棓（右）度身，訂造貼身潮服。