SUN微博：PHOTO HUNT

一千萬嘅問題，究竟邊個惡搞邊個？

"I'm your biggest fan, I'll follow you until you love me, papa-paparazzi…"唔知係咪聽Lady GaGa唱Live聽得太High，小弟竟然覺得陳光誠張相好似GaGa喺《Paparazzi》MV中坐輪椅嗰一幕。不過，陳光誠可能唔係要唱《Paparazzi》，而係要向駱家輝獻唱《Paparazzim》（怕怕啦！閃！）﹕「I'll be a US man,I'll follow you until you save me.怕怕！怕怕啦！閃！」（Sun微博admin譯﹕我會做美國人，我會跟着你，直至你救我。怕怕！怕怕啦！閃！）

點解陳光誠要閃？閃去美國駐華大使館囉，又閃去醫院啦，又話有共識要閃去天津喎，又話要閃去美國喎。總之，佢嘅遭遇，聽到都「怕怕啦」！呢首《怕怕啦！閃！》真係一闕悲歌。

世事嘅嘢真係好巧合，兩張cap圖真係似得出奇！大家都坐輪椅戴黑超，最頂癮係，連background都係有架車，大家都畀一批西裝友圍住，兩張相簡直係姊妹篇添呀！話時話，如果「網絡廿三條」通過咗，好肯定班懵官以為我哋「二次創作」改圖，屈我哋犯咗刑事法添！諗起就「巧京京」！

如果陳光誠有日真係去到美國，呼吸到自由空氣之餘，會唔會有幸同GaGa合唱一曲呢？

講番張相吖，陳光誠同GaGa都唔係全唔同嘅，至少兩個近期都超紅囉。唔知讀者聽《Paparazzi》嗰陣，又會唔會諗起陳光誠呢？