政壇：政商定格：哥頓嫂嫌兩仔爺唔夠浪漫

踏入五月，母親節嘅各種宣傳同消費活動愈嚟愈多，城中媽咪又迎嚟一個大日子嘞。合和集團話事人胡應湘（哥頓）嘅太太胡郭秀萍日前出席一個活動時，都被問到母親節有乜活動，佢甜絲絲咁話，都係收花兼食飯慶祝，事關囝囝胡文新同哥頓都會送花畀佢。

兩仔爺咁識做，難怪胡太咁開心。問佢覺唔覺得哥頓同囝囝好浪漫，胡太就話兩人都係麻麻哋浪漫之人，而佢哋除咗食飯之外，就好少買禮物，因為胡太唔想佢哋買嘅嘢唔啱心水，直頭落柯打唔好買禮物。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

母親節將至，胡郭秀萍透露每年都會收到囝囝同哥頓送花表心意。