市民指流會罪在政府

【本報訊】立法會原定於前日繼續審議簡稱出缺安排的《二○一二年立法會（修訂）條例草案》，卻因出席議員人數不足，流會收場。多名市民昨致電電台批評缺席的泛民主派及建制派議員，強調「出咗糧就要返工」，雙方都應「炒魷」，但亦有指市民質疑當局在會期尾才推出大批法案，政府責任最大。

「佢哋係玩緊香港」

林先生指出，政府往往在會期尾才推出法案，建制派每次均協助政府通過，認為今次流會建制及泛民均有責任，但政府責任最大，應先撤回具爭議性的出缺安排。

林小姐批評議員「人工高、福利好，佢哋喺度玩嘢，其實係玩緊香港，玩緊納稅人啲錢!」吳先生直斥帶頭「拉布」的人民力量議員黃毓民及陳偉業是「議會流氓」：「議會好多民生嘢要做，嚟緊立法會選舉會用我哋嘅票踢走呢兩個人。」

不過，亦有部分聽眾支持泛民，霍先生表示，替補機制惡法剝削選舉權及被選權，「普通打工仔喺公司出唔到聲都會搞罷工」，拉布流會雖構成影響，但為公義一定要做。

賴先生亦指，政府對出缺安排諮詢不夠公開，若政策得不到市民及議員認同，就要用拉布對抗。