on.cc 東方互動主頁

SUN世代：速遞「寵」兒

「又係你嚟送貨呀？送一轉先得嗰一、二百蚊，究竟有冇錢賺o架？」客人問。李啟賢放下那包重甸甸的寵物食品，嘴角微微翹起，答道：「依家冇，遲啲就會有。」這個充滿傻勁的小伙子，信心滿滿的望着前方，彷彿看到十年後的自己，那個已經走出成功道路、坐擁着寵物用品速遞王國的自己。

在李啟賢公司的會議室內，貼滿他過往接受不同報章雜誌的訪問，敍述一個市場神話，用上兩年時間，把公司的業績翻了數番。報道內一個不起眼的角落，一張舊照片卻更吸引。相片中，他站在舊式貨車前擺甫士，「呢張相都成十年前喇，嗰陣盤生意啱啱開始，全公司就得呢架車，得我一個送貨……」時光隨他回憶，飛快倒流。

那年他十七歲，讀書成績不算好，早早就投身社會，做過兩、三份工，卻想工字不出頭，遂又把工作辛苦儲下來的錢，搞些小生意，但又賺不到多少錢，「後來見衞星電視開始流行，就轉咗幫人裝衞星電視，算係搵到少少錢。點知網絡發展速度驚人，啲人上網就睇到電視，門生意又無得做。」

寵物食品送上門一腳踢

窮途不一定是末路，更好的或許就在轉角。衞星電視的生意觸礁，卻未有動搖他的意志。在偶然機會下，更讓他想到生意的新出路，「有次喺屋企，咁啱妹妹訂咗包寵物食品，雖然只係二、三百蚊，人哋都肯送上門，嗰陣就諗，香港咁多人養寵物，呢門生意可以發展喎！」

坐言就起行，○二年，李啟賢開設了只有三人的寵物食品公司，由太太接電話，妹妹訂貨，他就送貨管理一腳踢。但新公司全無知名度，無客落訂，他們對寵物食品的認識又有限，這條創業路，注定荊棘滿途。「唔熟呢方面嘅嘢，惟有邊學邊做，搜集多啲資料，請教其他人。冇客識我哋，就印多啲傳單，逐條邨去派，一千張唔得，咪派夠一萬張。」那些日子，電話半天也沒響一次，到偏僻地方派傳單，更曾被狗追。但「放棄」二字，始終未曾在他腦海出現，全因他堅信「頂得住，呢盤生意一定掂」。