SUN微博：打橫嚟講：禿鷹燉冬菇食蕉啦！

呢件身為警察部首長的曾偉雄完全流口水低莊無料到，零判斷力。於國家副總理李克強訪港期間，有差人阻撓記者採訪時，佢居然諗都唔諗，就信警員遇鬼般荒謬，話見到黑影喎！有幻想無思想嘅人，仲做到阿頭，可見呢個警隊機制出現缺憾性問題有多大！

幸好！香港之所以能成為中國境內最有人權法治的地方，就因有投訴權同監察制度；李克強訪港後，監警會接獲眾多有關警察行為失德的投訴，現發表中期報告，承認除有上述警員妨礙記者拍攝外，還另有總督察聲稱會叫貨車駛來阻擋記者，以及一女警未有任何理由而搜查女記者褲袋和外套，咁！唔知算唔算「知法犯法」呢？佢哋是依循上司指令做嘢吖？定自把自為，鍾意點就點呢？

香港警務督察會主席曾昭科解釋：「前線同事執法，好有難度，要在電光火石間作判斷，那刻未必對的！但絕無任何政治考慮和指令。」

如此說法，即那些犯了錯的前線警員不夠水準未夠班啦！咁你哋高層便送佢哋打頭陣送死乎？執法者無指令，竟敢亂嚟，是心理不平衡？尤其一班專門噴胡椒噴霧的娃娃兵。嗱！出事後，你班高層只懂卸膊，要下屬孭鑊，好無雷啫！咪仲PK過蠱惑仔？

曾偉雄三番四次，與民為敵，搞慶晒香港人，天怒人怨，已是全人類皆知的事實，有佢一日，香港都難得安寧！振英哥，你想香港和諧大和解，第一個要食蕉的，係禿鷹呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：陳光誠月黑高飛

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot